humaray haal pe roya December

woh daikho….toot ke barsa December

guzar jata hai sara saal yooN to…

nahiN kat’ta magar…tanha December

bhala barish say kiya sairaab hoga!

tumharay wasl ka piyasa December

woh kab bichra?…nahiN ab yad..lekin

bas itna ilm hai…ke tha December

milan ke chand sikkay daal ismaiN…

mere hathoN maiN hai kaasa December

yooN palkaiN bheegti rehti haiN … jaisay

meri aankhoN maiN aa thehra December

jama poonji yehi hai umr bhar ki

meri tanhaai aur….mera December

sabab na pooch mere aansuoN ka…

hai pehlay hijr ka… pehla December

maiN in yadoN say bach ke jaooN kaisay?

ke meeloN door hai phaila December..

meri ankhoN say gar daikho …to jano..

ke hai barsaat maiN jalta December

abhi tak kohr maiN dooba hai aangan..

abhi tak yad hai… pichla December..

Tum Bin Meri Zaat ADHURI

Jaisy Koi Baat ADHURI

Hijr K Sare Din Hain Pooray

Laikin Hai Har Raat ADHURI

Lafzon Ki Gehrai Main Jhanko

Samjho Na Har Baat ADHURI

Num Ankhain Aur Sookhi Palkain

Hoti Hai Barsat ADHURI

Mujh se Mujh Ko

Cheen Gaye Tum

Reh Gai Meri Zaat ADHURI

Phir taaron bhari raatain hain,

Phir khushbu hi baaratein hain,

Phir shaam ka thanda anchal hai,

Aur ek behakta baadal hai,

Phir sawan toot ke barsa hai,

Aur phir dil itna tarsa hai,

Phir dunya ke jhamelon mein,

Phir zindagi ke mailoon mein,

Teri yaar ki shehnaai hai,

MAIN HOON AUR MERI TANHAI HAI …!