Ghamzada dil hai magar miltay hain

har ek se hans kar…

Yehi to fun hai …

Jo aya hai bohat kuch khonay k baad

Aahat hoi to samjhay k ho gai muraad puri,

Darwaza khola usko na paya to bohat yaad aya!

Har waqat rehta tha dil mein dharkan ban k,

Aaj pani ban k aankhon mein aya to bohat yaad aya!

Sar-e-shaam se muntazir thein uski surat ko nigahain Mohsin,

Wo raat gaye tak na aya to bohat yaad aya!

Aaj barsoon baad rotay rotay meri aankh lag gai,

Us k khawab ne achanak jo jagaya to bohat yaad aya!

Wo Aksar Mujhse Kehti Thi,

Wafa Hai Zaat Aurat Ki,

Magar Jo Mard Hotay Hain,

Bohat Be’dard Hotay Hain,

Kisi Bhanware Ki Surat

Gul Ki Khushbu Loot Jatay Hain,

Palat K Phir Na Aatay Hain,

Suno!

Tum Ko Kasam Meri,

Riwayat Tor Dena Tum!

Na Tanha Chor K Jana,

Na Ye Dil Tor K Jana

Magar Phir Yun Huwa Humdum,

Mujhe Anjaan Rastay Per,

Akelay Chor Kar Us Ne,

Mera Dil Tor Kar Us Ne,

Mohabbat Chor Di Us Ne,

Wafa Hai Zaat Aurat Ki

Riwayat Tor Di Us Ne!

Dil ki Taak pe Diya Jalany Aaongi,
Mai Tumko kuch Yaad Dilany Aaongi,

Mere Dard ko Tum bhi na Seh Paogey,
Apne Aansu’n se Tumhen Rulany Aaon gi,

Shoq Boht Tha Jin Galiyon Mein Basnay Ka,
Wahen Pe ek Din Khaak Urany Aaon gi,

Jeetny Dongi Tumhen Har Bazi Aur Phir,
Apni Haar Ka Jashan Manany Aaongi.

kis tarh yad karon kese bhulaon tujhko
tu koi rasm nahi hai k nibhaon tujhko
roz ankhon se bikhrta hai naya khawab koi
dil ye kehta hai k ankhon mei sajaon tujhko
khoob hote hain ye chaht k meethey rishtay
bhool kar bhi kabhi dushmn na banaon tujhko
tere jane pe machalta hai bohat dil lekin
zabt itna hai k phir bhi na bulaon tujhko
zindagi konsi taron ka falk hai ‘mohsin’
kis tarha apna sitara mein banaon tujhko

Jab Raat k tanha lamhon mein
koi Aahat mujh sy kehti hai
Es dil mein halchal rehti hai
koi Jugnu paas sy guzrey to
koi baat halaq sy nikley to
mey khud sy ulajhne lagta hun
phir janay kya kya kehta hun
phir yaad tumhari aati hai
phir pal-do-pal k lamhay ko
ye Saans meri ruk jati hai
Ik Shola dil mein bharakta hai
wo Dard sehar tak rehta hai
phir veham ye mujh sy kehta hai
koi meray Dil mein rehta hai?

Tujey Bhulaney Main Abhi Waqat Lagay Ga
Tujsay Dour Janey Main Abhi Waqat Lagay Ga

Tujsay Juda Ho Ker Mar Jayon Gi
Apna Hosla Azmanay Main Abhi Waqat Lagay Ga

Socha Na Tha Kuch bhi Teray Siwaa
Dil ko Behlaney Main Abhi Waqat Lagay Ga

Her Jazba Tha Dil Main Faqt Teray Naam Ka
Her Jazbay ko Sulaney main Abhi Waqat Lagay Ga

Door Talak Teray Saath Chaali Hoon
Lout Ker Anay Main Abhi Waqat Lagay Ga

Saher Dil Tu Na Samaj Hai Kuch Manta Nahi
Aus ko Samjaney Main Abhi Waqat Lagay Ga

Apne Dil se nikaal kar mujh ko.

Tere honton pe siskiyan kyun hain?

Zakhum De kar wo mujh se pouchta hai.

Tere lehje me talkhiyan kyun hain?

Hum to kacche makaan k baasi hain.

Phir taaqub me bijliyan kyun hain?

Ishq k Or Bhi musafir hain

~ WASI~

Sirf hum par he sakhtiyan kyun hain ?

“YAADON”
Ko Bhulane Main Kuch dair to lagti Hai,,,”AANKHON”
Ko sulany main kuch Dair to lagti hai,,,

Kisi “SHAKHS”
Ko bhula dena itna Aasan nahi hota,,,”DIL”
Ko samjhany main Kuch dair to lagti Hai,,,

Bhari “MEHFIL”
Main jab koi Achanak yaad aa Jaye,,,

Phir
“Aanso”
Chupany main kuch Dair to lagti hai,,,

Jo Shakhs
bohat   Pyara Ho Achanak door ho Jaye,,,

Dil ko
“YAQEEN”
Dilany main kuch Dair to lagti hai..