Itni Muddat Baad Mile Ho

Itni muddat baad mile ho,,,
Kin sochon mein gum phirte ho,,,
Itne khaif kyun rehte ho,,,
Har aahat se dar jate ho,,,
Tez hawa ne mujh se pocha,,,
Rait pe kya likhte rehte ho,,,
Kash koi ham se bhi poche,,,
Raat gae tak kyun jagte ho,,,
Main darya se bhi darta hoon,,,
Tum darya se bhi gehre ho,,,
Piche murr kar kyun dekha tha,,,
Pathar ban kar kya takte ho,,,
Jao jiit ka jashan manao,,,
Main jhota hoon tum sache ho,,,
Apne shehar ke sab logon se,,,
Meri khatir kyun uljhe ho,,,
Khene ko rehte ho dil mein,,,
Phir bhi kitne door kharre ho,,,
Raat hamain kuch yaad nahi tha,,,
Raat bohat hi yaad aae ho,,,
Ham se na pocho hijar ke qisse,,,
Apni kaho ab tum kese ho…

Leave a Reply

Your email address will not be published. Required fields are marked *