Guftagu Raat Bhar Un Se Hoti Rahi,
Zakham Ristay Rahy Aankh Roti Rahi,
Raqs Mayusiyon Ka Musalsal Raha,
Umar Ashkon Se Daman Bhigoti Rahi,
Un K Koochy Me Shabnam K Qatray Liye,
Yaad Dil Me Bhi Thandak Samoti Rahi,
Chaand Ne Jab Bhi Rukhsat Kiya Ghar Humen,
Gham Ki Barsat Aankhon Se Hoti Rahi,
Rotay Rotay Hi Guzri Raatein Sabhi,
Aankh Apni Beenayi Bhi Khoti Rahi,
Waqt-e-Tark-e-Taalluq Mery Hum Nasheen,
Main Bhi Rota Raha Woh Bhi Roti Rahi…..!!