Teri Nazar Hai Yeh, Mera Jamal Thori Hai!

Yeh aankh roney ki shiddat say laal thori hai,

Malaal hai magar itna malaal thori hai,

Jisey tu husan samajhta hai mere chehrey ka,

Teri nazar hai yeh mera jamal thori hai,

Koi to dukh hai jo humsay chupa rahay ho,

Bohut ziada hunsi naik faal thori hai,

Lagana parti hai doopki ubharney say pehley,

Gharoob honey ka matlab zawaal thori hai,

Yeh aur baat hai saans nahi ati tujh bin,

Tujhey bhool jana itna muhal thori hai.

Leave a Reply

Your email address will not be published. Required fields are marked *