Zulm Sehta Hoa Insaan Bura Lagta Hai

Such kahun mujh ko ye Unwaan bura lagta hai,

Zulm Sehta hoa insaan bura lagta hai..

Kis qadar ho gayi Masroof ye duniya apni,

Ek din Thehrey tu Mehmaan bura lagta hai..

Un ki Khidmat tu bohat door, ulaadon ko,

Budhey Maa Baap ka farmaan bura lagta hai..

Mere ALLAH meri Naslo’n ko Zil’lat se nikaal,

Haath Phailaye Musalman bura lagta hai!

Leave a Reply

Your email address will not be published.