Bata Kar Kya Karna

5.00 avg. rating (82% score) - 1 vote

Koi Ghazal Suna Kar Kya Karna?
Yon Baat Barha Kar Kya karna?

Tum Mere Thay, Tum Mere Ho
Duniya Ko Bata Kar Kya Karna?

Tum Ehad Nibhao Chahat Se
Koi Rasam Nibha Kar Kya Karna?

Tum Khafa Bhi Achay Lagtay Ho
Phir Tum Ko Mana Kar Kya Karna?

Tere Dar Par Aa Kar Baithay Hain
Ab Ghar Bhi Jaa Kar Kya Karna?

Din Yaad Se Acha Guzray Ga
Phir Tum Ko Bhula Kar Kya Karna?

Leave a Reply